নিত্যানন্দ হেমব্রম আদ বানু গেয়া |

 

নিত্যানন্দ হেমব্রম আদ বানুগেয়া 

   ভারত জাকাত মাঝি পারগানা মহলরেন ' দিসম পারগানা ' মানোতান নিত্যানন্দ হেমব্রম আদ বানুগেয়া । তেহেঞ ১১ জুলাই সিমরাঃ অকতে উনি দ অকা চ বিন- বাডায় দিসমতেয় মহন্ডায়েনা । উমের হোয়লেন তায়া ৮৯ সেরমা ।

    নিত্যানন্দ হেমব্রমাঃ জানাম দ হোয়লেনা ১৯৩৫ সাল রেয়াঃ ১ জানুয়ারি মেদিনীপুর জেলা রেয়াঃ শিলদা জাপাঃ শ্যামপুর আতোরে। আচ্ বাবা-আঃ ঞুতুম দ কালিরাম হেমব্রম আর আয়ো-আঃ ঞুতুম দ সুর্পমনি হেমব্রম । উনি দ আডি লাসের হাতাং পাঠুওয়ায় তাহেঁকানা । ১৯৫৫ সালরে বাঁকুড়া ক্রিশ্চান কলেজ খন বি. এসসি.(B. Sc.) আর খড়গপুর আই .আই. টি . খন B . Arch . (Hons) ১৯৬০ সালরেয় পাস লেদা । অনা তায়ম আমেরিকা রেয়াঃ কালিফোর্নিয়ারে মেনাঃ College of Environmental Design , Berkeley খন ১৯৬২ সালরে M. Arch .বিডাউ এ পাসলেৎ তাহেঁনা ।

     উনি দ ভারত সরকারাঃ আডি মারাং হুদারেয় কামি লেদা । Council of Architecture (India) রেন মিৎ রাসিয়া হঁয় তাহেঁকানা । আদ সরকারি কামি খন জিরাউ কাতে সমাজ কামিরেয় সেলেৎ লেন তাহেঁনা । আসেকা , All India Santal Council আর ভারত জাকাত মাঝি পারগানা মহল সাঁও সেলেৎ -এ তাহেঁকানা ।

        নিত্যানন্দ হেমব্রম দ অনলিয়া লেকাতেহঁ সমাজরে ঞুতুমে হার আকাদা। উনি অলাঃ Austric Civilization of India (1982) , খেরওয়াল কোওয়াঃ আরিচালি আর রায়রিত রেয়াঃ তেতেৎ (২০০৫) আর মাঝি কোওয়াঃ কামিহরা ... এমান পুথি ছাপা সদর আকানা । উনি দ All India Santali Writers Association -আঃ মাঝি রামদাস টুডু সিরোপায় আমেটলেৎ তাহেঁনা।

     উনিয় দাঃ -দড়মেন সাঁওতে সানতাল সমাজ রেয়াঃ মিৎটেন জুগ মুচাৎ এনা। হানাপুরিরে উনিয়াঃ জিওয়ি সুলুক আর নিরাইতে তাহেঁকঃ মা বাড়ে ।