ᱵᱟᱝᱜᱽᱞᱟᱫᱮᱥ ᱟᱨ ᱱᱮᱯᱟᱲ ᱯᱮᱲᱟ ᱫᱚ ᱜᱩᱨᱩ ᱜᱚᱢᱠᱮ ᱵᱟ.ᱠᱷᱩᱞ ᱟᱨ ᱵᱟᱭ ᱴᱷᱟᱶ ᱠᱚ ᱦᱤᱨᱤᱭᱟ
ᱫᱤᱱᱟ.ᱢ ᱠᱷᱚᱵᱚᱨ:-ᱵᱟᱝᱜᱽᱞᱟᱫᱮᱥ ᱟᱨ ᱱᱮᱯᱟᱲ ᱨᱤᱱ ᱥᱟᱱᱛᱟᱲᱤ wikipedian ᱯᱮᱲᱟ ᱫᱚ ᱢᱟ. 3.2.2019 ᱦᱤᱛ ᱦᱤᱞᱚᱜ ᱫᱤᱱ ᱵᱮᱲᱟ KISS ᱠᱟ.ᱢᱤᱥᱟᱲᱟ ᱨᱮ ᱥᱮᱞᱮᱫ ᱛᱟᱭᱚᱢ ᱟ.ᱭᱩᱵᱽ ᱵᱮᱲᱟ ᱟ.ᱫᱤᱵᱟ.ᱥᱤ ᱢᱮᱲᱟ ᱠᱚ ᱦᱤᱨᱤᱭᱟ ᱾ ᱤᱱᱟ. ᱛᱟᱭᱚᱢ ᱧᱤᱫᱟ. ᱚᱠᱛᱮ ᱵᱟᱥ ᱛᱮ Rairangpur ᱠᱚ ᱥᱮᱱᱚᱜ-ᱟ ᱾
ᱢᱟ. 4.2.2019 ᱦᱤᱛ ᱦᱤᱞᱚᱜ ᱥᱮᱛᱟᱜ ᱵᱮᱲᱟ ᱜᱩᱨᱩ ᱜᱚᱢᱠᱮ ᱯᱚᱸᱰᱮᱛ ᱨᱟ.ᱜᱷᱩᱱᱟᱛ ᱢᱩᱨᱢᱩ ᱟ.ᱛᱩ ᱰᱟᱸᱰᱵᱚᱥ ᱵᱟ.ᱠᱷᱩᱞ ᱟᱨ ᱠᱟ.ᱯᱤᱵᱩᱨᱩ ᱠᱚ ᱦᱤᱨᱤᱭᱟ ᱾ ᱱᱚᱸᱰᱮ ᱞᱟ.ᱭᱛᱚᱨᱟ ᱜᱟᱱᱚᱜ-ᱟ ᱵᱟᱝ ᱢᱟ, 2017 ᱨᱮ ᱵᱟᱝᱜᱽᱞᱟᱫᱮᱥ ᱨᱤᱱ ᱱᱩᱠᱩ ᱢᱟᱱ ᱢᱟᱱᱤᱠ ᱥᱚᱨᱮᱱ ᱟᱨ ᱮᱢᱟᱱ ᱠᱚᱫᱚ ᱜᱩᱨᱩ ᱜᱚᱢᱠᱮ ᱵᱟ.ᱠᱷᱩᱞ ᱦᱤᱨᱤ ᱟᱨ ᱠᱟ.ᱯᱤᱵᱩᱨᱩ ᱨᱮ ᱱᱮᱦᱚᱨ ᱡᱚᱦᱟᱨ ᱛᱟᱭᱚᱢ ᱟᱠᱚ ᱫᱤᱥᱚᱢ ᱨᱮ ᱚᱞᱪᱤᱠᱤ ᱠᱚ ᱪᱷᱟᱨᱟᱣ ᱞᱮᱫ-ᱟ ᱾ ᱚᱱᱟ ᱠᱟ.ᱢᱤᱦᱚᱨᱟ ᱛᱮᱦᱮᱧ ᱥᱟ.ᱜᱩᱱ ᱥᱟ.ᱨᱤ ᱟᱠᱟᱱᱟ ᱾
ᱛᱟᱨᱟᱥᱤᱧ ᱚᱠᱛᱮ ᱵᱟᱥ ᱛᱮ Jamshedpur (Tatanagar) ᱠᱚ ᱥᱮᱱᱚᱜ-ᱟ ᱾ ᱚᱸᱰᱮ ᱠᱷᱚᱱ ᱱᱮᱯᱟᱲ ᱨᱤᱱ ᱯᱮᱲᱟ ᱫᱚ ᱨᱟᱺᱪᱤ ᱥᱮᱱᱛᱮ ᱟᱠᱚ ᱫᱤᱥᱚᱢ ᱠᱤᱱ ᱨᱩᱣᱟ.ᱲᱟ ᱟᱨ ᱵᱟᱝᱜᱽᱞᱟᱫᱮᱥ ᱨᱤᱱ ᱯᱮᱲᱟ ᱫᱚ ᱠᱚᱞᱠᱟᱛᱟ ᱥᱮᱱᱛᱮ ᱟᱠᱚ ᱫᱤᱥᱚᱢ ᱠᱤᱱ ᱨᱩᱣᱟ.ᱲᱟ ᱢᱮᱱᱛᱮ ᱟᱠᱚ ᱥᱟᱶ ᱜᱟᱞᱢᱟᱨᱟᱣ ᱠᱟᱛᱮ ᱵᱟᱰᱟᱭ ᱟᱠᱟᱱᱟ ᱾
No comments:
Post a Comment