ᱥᱟᱱᱛᱟᱲ ᱥᱮᱣᱨᱟ ᱨᱮ ᱡᱟᱦᱮᱨ ᱚᱲᱟᱜ ᱵᱮᱱᱟᱣ ᱨᱮᱱᱟᱜ ᱠᱟᱛᱷᱟ !
ᱠᱟᱛᱷᱟ ᱨᱮ ᱠᱚ ᱢᱮᱱ-ᱟ, ᱥᱮᱫᱟᱭ ᱢᱟᱨᱟᱝ ᱵᱩᱨᱩ ᱢᱤᱫ ᱫᱤᱱ ᱵᱤᱨ ᱛᱮ ᱱᱟᱦᱮᱞ ᱢᱟᱜ ᱮ ᱪᱟᱞᱟᱣ ᱞᱮᱱ ᱛᱟᱦᱮᱸ ᱠᱟᱱᱟ |
ᱪᱟᱞᱟᱣ ᱠᱟᱛᱮ ᱢᱤᱫ ᱴᱮᱱ ᱫᱟᱨᱮ ᱮ ᱢᱟᱜ ᱠᱮᱫᱟ !
ᱚᱱᱟ ᱫᱟᱨᱮ ᱨᱮᱭᱟᱜ ᱜᱮ ᱢᱤᱫ ᱫᱷᱟᱣ ᱛᱮ ᱱᱟᱦᱮᱞ, ᱤᱥᱤ,ᱠᱟᱬᱵᱟ ᱟᱨ ᱟᱨᱟᱬ ᱮ ᱵᱮᱱᱟᱣᱮᱛ ᱛᱟᱦᱮᱸ ᱠᱟᱱᱟ | ᱵᱮᱱᱟᱣ ᱵᱮᱱᱟᱣ ᱛᱮ ᱟ.ᱰᱤ ᱜᱷᱟ.ᱲᱤᱜ ᱦᱩᱭ ᱮᱱᱟ, ᱱᱟᱦᱮᱞ ᱵᱟᱭ ᱵᱮᱱᱟᱣ ᱫᱟᱲᱮᱭᱟᱜ, ᱮᱱ ᱠᱷᱟᱱ ᱢᱤᱫ ᱴᱮᱱ ᱫᱟᱨᱮ ᱵᱩᱴᱟ ᱨᱮ ᱠᱩᱲᱪᱩᱧ ᱠᱟᱛᱮ ᱜᱤᱛᱤᱡ ᱦᱟᱯᱤᱭᱮᱱᱟ |
ᱱᱚᱛᱮ ᱢᱟᱨᱟᱝ ᱵᱩᱨᱩ ᱚᱲᱟᱹᱜ ᱛᱮ ᱵᱟᱭ ᱨᱩᱣᱟᱲ ᱠᱟᱱ ᱠᱷᱟᱱ, ᱡᱟᱦᱮᱨ ᱮᱨᱟ ᱫᱚ ᱟ.ᱰᱤ ᱮ ᱟ.ᱲᱤᱥᱚᱜ ᱠᱟᱱ ᱛᱟᱦᱮᱸ
ᱠᱟᱱᱟ |
ᱫᱟᱠᱟ ᱩᱛᱩ ᱵᱮᱱᱟᱣ ᱥᱟ.ᱛ ᱠᱮᱛ ᱨᱮᱦᱚᱸ ᱢᱟᱨᱟᱝ ᱵᱩᱨᱩ ᱵᱟᱭ ᱨᱩᱣᱟᱲ ᱦᱮᱡ ᱟᱠᱟᱱᱟ |
ᱮᱱᱠᱷᱟᱱ ᱡᱟᱦᱮᱨ ᱟᱭᱚ ᱫᱚ ᱵᱤᱨ ᱛᱮ ᱥᱤᱠᱬᱤᱡ ᱮ ᱵᱷᱮᱡᱟᱣ ᱠᱮᱫ ᱠᱚᱣᱟ,
ᱟᱨ ᱮ ᱢᱮᱛᱟᱜ ᱠᱚᱣᱟ ᱫᱩ ᱥᱤᱠᱬᱤᱡ ᱢᱟᱨᱟᱝ ᱵᱩᱨᱩ ᱫᱚᱢᱮᱟ ᱜᱮᱨᱮ ᱯᱮ,
ᱟᱨ ᱞᱚᱜᱚᱱ ᱛᱮ ᱚᱲᱟᱜ ᱨᱩᱣᱟᱲ ᱟᱜᱩᱭᱮᱯᱮ |
ᱡᱟᱦᱮᱨ ᱮᱨᱟᱣᱟᱜ ᱠᱟᱛᱷᱟ ᱞᱮᱠᱟᱛᱮ ᱥᱤᱠᱬᱤᱡ ᱫᱚ ᱢᱟᱨᱟᱝ ᱵᱩᱨᱩ ᱴᱷᱮᱱ ᱠᱚ ᱪᱟᱞᱟᱣ ᱮᱱᱟ,ᱟᱨ ᱟ.ᱰᱤ ᱠᱚ ᱜᱮᱨ ᱠᱮᱫᱮᱭᱟ |
ᱮᱱᱠᱷᱟᱱ ᱢᱟᱨᱟᱝ ᱵᱩᱨᱩ ᱫᱚ ᱥᱤᱠᱬᱤᱡ ᱠᱚ ᱞᱟᱜᱟ ᱞᱟᱜᱤᱛ ᱛᱮ ᱯᱟᱞᱦᱟ ᱠᱚ ᱡᱩᱞ ᱠᱟᱛᱮ ᱫᱷᱩᱝᱜᱟ ᱠᱮᱫᱟᱭ | ᱫᱷᱩᱝᱜᱟ ᱛᱮ ᱥᱤᱠᱬᱤᱡ ᱠᱚ ᱧᱤᱨ ᱮᱱᱟ, ᱮᱱᱨᱮᱦᱚᱸ ᱢᱟᱨᱟᱝ ᱵᱩᱨᱩ ᱫᱚ ᱚᱲᱟᱜ ᱛᱮ ᱵᱟᱭ ᱨᱩᱣᱟᱲ ᱞᱮᱱᱟ |
ᱮᱱᱠᱷᱟᱱ ᱡᱟᱦᱮᱨ ᱮᱨᱟ ᱫᱚ ᱢᱤᱫ ᱴᱮᱱ ᱠᱩᱞ ᱵᱷᱮᱡᱟᱣ ᱠᱮᱫᱮᱭᱟ |
ᱟᱨ ᱮ ᱢᱮᱛᱟᱫ ᱫᱮᱭᱟ, ᱮ ᱠᱩᱞ ᱫᱩ ᱟᱢ ᱫᱚ ᱵᱤᱨ ᱛᱮ ᱪᱟᱞᱟᱜ ᱢᱮ,ᱟᱨ ᱫᱚᱢᱮ ᱦᱩᱝᱦᱨᱟᱜ ᱢᱮ |
ᱦᱩᱝᱦᱨᱟᱜ ᱟᱧᱡᱚᱢ ᱠᱟᱛᱮ ᱵᱚᱛᱚᱨ ᱛᱮ,ᱢᱟᱨᱟᱝ ᱵᱩᱨᱩ ᱞᱚᱜᱚᱱ ᱛᱮ ᱚᱲᱟᱜ ᱮ ᱨᱩᱣᱟᱲ ᱦᱤᱡᱩᱜ ᱢᱟ |
ᱮᱱᱠᱷᱟᱱ ᱠᱩᱞ ᱫᱚ ᱵᱩᱨᱩ ᱪᱟᱞᱟᱣ ᱠᱟᱛᱮ ᱫᱚᱢᱮ ᱮ ᱦᱩᱝᱦᱨᱟᱜ ᱠᱮᱫ -ᱟ | ᱠᱩᱞ ᱮ ᱦᱩᱝᱦᱨᱟᱜ ᱮᱱ ᱨᱮᱦᱚᱸ ᱢᱟᱨᱟᱝ ᱵᱩᱨᱩ ᱵᱟᱭ ᱵᱚᱛᱚᱨ ᱞᱮᱱᱟ | ᱵᱤᱪᱠᱚᱢ ᱠᱩᱞ ᱞᱟᱜᱟ ᱞᱟᱜᱤᱛ ᱛᱮ ᱟᱲᱜᱚᱢ,ᱪᱷᱟ.ᱞᱟ ᱥᱟᱯ ᱠᱟᱛᱮ ᱠᱩᱞ ᱮ ᱫᱟᱨᱩᱲ ᱠᱮᱫᱮᱭᱟ ᱟᱨ ᱮ ᱢᱮᱱ ᱠᱮᱫ ᱟ - ᱫᱩ ᱠᱩᱭᱤᱟ ᱫᱩ, ᱠᱩᱞ ᱫᱚ ᱞᱟᱜᱟᱭᱮᱢ | ᱮᱱᱠᱷᱟᱱ ᱟᱲᱜᱚᱢ ᱪᱷᱟ.ᱭᱞᱟᱜ ᱠᱩᱭᱤᱟ ᱫᱚ ᱠᱩᱞ ᱞᱟᱜᱟ-ᱠᱟᱜᱟ ᱛᱮ ᱡᱟᱦᱮᱨ ᱟᱭᱚ ᱴᱷᱮᱱ ᱮ ᱞᱟᱜᱟ ᱥᱮᱴᱮᱨ ᱠᱮᱫᱮᱭᱟ | ᱠᱩᱞ ᱟᱨ ᱠᱩᱭᱟ ᱧᱮᱞ ᱛᱮ ᱡᱟᱦᱮᱨ ᱮᱨᱟ ᱫᱚᱭ ᱵᱟᱲᱟᱭ ᱜᱚᱫ ᱠᱮᱫᱟ ᱡᱮ ᱢᱟᱨᱟᱝ ᱵᱩᱨᱩ ᱫᱚ ᱱᱟᱦᱮᱞ ᱵᱟᱭ ᱵᱮᱱᱟᱣ ᱫᱟᱲᱮᱭᱟᱜ ᱠᱟᱱᱟ |
ᱮᱱᱠᱷᱟᱱ
ᱡᱟᱦᱮᱨ ᱮᱨᱟ ᱫᱚ ᱫᱟᱠᱟ ᱴᱩᱢᱟᱝ ᱨᱮ,ᱫᱟᱠᱟ ᱫᱤᱯᱤᱞ ᱠᱟᱛᱮ ᱢᱟᱨᱟᱝ ᱵᱩᱨᱩ ᱴᱷᱮᱱ ᱮ ᱪᱟᱞᱟᱣ ᱮᱱᱟ | ᱪᱟᱞᱟᱣ ᱠᱟᱛᱮ ᱧᱮᱞ ᱠᱮᱫᱮᱭᱟᱭ ᱢᱟᱨᱟᱝ ᱵᱩᱨᱩ ᱫᱚ ᱢᱤᱫ ᱴᱟᱱ ᱫᱟᱨᱮ ᱵᱩᱴᱟ. ᱨᱮ ᱜᱤᱛᱤᱡ ᱟᱠᱟᱱᱟᱭ ᱮᱱᱠᱷᱟᱱ ᱢᱟᱨᱟᱝ ᱵᱩᱨᱩ ᱧᱮᱞ ᱛᱮ ᱡᱟᱦᱮᱨ ᱮᱨᱟ ᱮ ᱢᱮᱱ ᱠᱮᱫ-ᱟ, "ᱱᱤᱛ ᱦᱚᱸ''ᱱᱟᱦᱮᱞ ᱟᱹᱣᱨᱤᱢ ᱵᱮᱱᱟᱣ ᱥᱟ.ᱛ-ᱟ,ᱟᱢ ᱜᱮᱛᱚ ᱱᱟᱦᱮᱞ ᱞᱮᱠᱟᱢ ᱜᱤᱛᱤᱡ ᱟᱠᱟᱱᱟ. |
ᱡᱟᱦᱮᱨ ᱮᱨᱟ ᱫᱚ ᱫᱟᱠᱟ ᱴᱩᱢᱟᱝ ᱫᱚᱦᱚ ᱠᱟᱛᱮ ᱛᱤᱧᱜᱩ ᱟᱠᱟᱱᱟᱭ,ᱢᱟᱨᱟᱝ ᱵᱩᱨᱩ ᱫᱚ ᱟ.ᱴᱩ-ᱯᱟ.ᱴᱩ ᱱᱟᱦᱮᱞ ᱮ ᱵᱮᱱᱟᱣ ᱠᱮᱫ-ᱟ |
ᱢᱤᱫ ᱜᱷᱟᱲᱤᱜ ᱛᱟᱭᱚᱢ ᱠᱷᱟᱱ ᱜᱮ, ᱥᱮᱨᱢᱟ ᱫᱟᱜ ᱨᱤᱢᱤᱞ ᱨᱟᱠᱟ.ᱵ ᱮᱱᱟ | ᱫᱟᱜ ᱦᱤᱡᱩᱜ ᱧᱮᱞ ᱛᱮ ᱡᱟᱦᱮᱨ ᱮᱨᱟ ᱫᱚ ᱢᱤᱫ ᱴᱟ.ᱱ ᱚᱲᱟᱜ ᱵᱮᱱᱟᱣ ᱮ ᱪᱷᱩᱴᱟ.ᱣ ᱮᱱᱟ | ᱥᱟᱨᱡᱚᱢ ᱫᱟᱨᱮ ᱵᱩᱴᱟ ᱨᱮ ᱯᱩᱱᱭᱟ ᱥᱟᱨᱡᱚᱢ ᱠᱷᱩᱱᱴᱤᱜ ᱮ ᱵᱤᱛ ᱠᱮᱫ-ᱟ | ᱚᱱᱟ ᱪᱮᱛᱟᱱ ᱨᱮ ᱯᱟ.ᱲ ᱥᱮᱱᱮᱨ ᱟᱨ ᱵᱟᱛᱟ ᱮ ᱮᱢ ᱠᱮᱫ-ᱟ | ᱚᱱᱟ ᱪᱮᱛᱟᱱ ᱨᱮ ᱵᱤᱨ ᱥᱟᱶᱲᱤ ᱛᱟᱥᱟᱫ ᱨᱟᱪᱟᱜ ᱟᱜᱩ ᱠᱟᱛᱮ ᱫᱟᱞᱚᱯ ᱠᱮᱫ-ᱟ | ᱞᱟᱲ ᱥᱩᱛᱟᱢ ᱛᱮ ᱵᱟᱛᱟ ᱮ ᱛᱚᱞ ᱠᱮᱫ-ᱟ,ᱞᱟᱛᱟᱨ ᱥᱟᱦᱟ ᱠᱷᱚᱱ ᱜᱮ ᱹᱹᱹᱹᱹᱹᱹᱟᱨ ᱥᱟᱲᱤᱢ ᱪᱮᱛᱟᱱ ᱨᱮ ᱟᱨᱦᱚᱸ ᱵᱟᱛᱟ ᱠᱚᱭ ᱮᱢ ᱠᱮᱫ-ᱟ |
ᱢᱤᱫ ᱜᱷᱟ.ᱲᱤᱜ ᱛᱟᱭᱚᱢ ᱠᱷᱟᱱ ᱜᱮ ᱦᱚᱭ ᱫᱟᱜ ᱥᱮᱴᱮᱨ ᱮᱱᱟ |
ᱮᱱᱠᱷᱟᱱ ᱢᱟᱨᱟᱝ ᱵᱩᱨᱩ ᱟᱨ ᱡᱟᱦᱮᱨ ᱮᱨᱟ ᱫᱚ ᱚᱱᱟ ᱚᱲᱟᱜ ᱨᱮᱜᱮ ᱠᱤᱱ ᱩᱢᱩᱞ ᱮᱱᱟ | ᱦᱚᱭ ᱫᱟᱜ ᱠᱷᱚᱱ ᱠᱤᱱ ᱵᱟᱧᱪᱟᱣᱮᱱᱟ | ᱮᱱᱠᱷᱟᱱ ᱢᱟᱨᱟᱝ ᱵᱩᱨᱩ ᱮ ᱢᱮᱱ ᱠᱮᱫ-ᱟ ᱹᱹᱹᱹᱹᱹᱹᱟᱯᱮ ᱠᱩᱲᱤ ᱦᱚᱯᱚᱱ ᱫᱚ ᱟ.ᱰᱤ ᱜᱮᱯᱮ ᱠᱟᱨᱤᱜᱚᱞᱟ | ᱛᱚᱵᱮ ᱤᱧᱟ ᱢᱤᱫ ᱴᱟ.ᱱ ᱠᱟᱛᱷᱟ ᱢᱮᱱᱟᱜ-ᱟ |
ᱮᱱᱠᱷᱟᱱ ᱡᱟᱦᱮᱨ ᱟᱭᱚᱭ ᱢᱮᱱ ᱠᱮᱫ-ᱟ ᱹᱹᱹᱹᱹᱪᱮᱫ ᱠᱟᱛᱷᱟ ᱹᱹᱹᱹᱹᱹᱢᱟ ᱞᱟ.ᱭ ᱢᱮ | ᱢᱟᱨᱟᱝ ᱵᱩᱨᱩ ᱮ ᱢᱮᱱ ᱠᱮᱫ-ᱟ ᱹᱹᱹᱹᱹᱠᱟᱛᱷᱟ ᱫᱚ ᱱᱚᱶᱟ ᱠᱟᱱᱟ, ᱟᱯᱮ ᱠᱩᱲᱤ ᱦᱚᱯᱚᱱ ᱫᱚ ᱡᱮᱛᱮᱭᱟᱜ ᱯᱮ ᱵᱮᱱᱟᱣ ᱪᱟᱲᱮᱭᱟᱜ-ᱟ | ᱢᱮᱱᱠᱷᱟᱱ ᱛᱮᱦᱮᱱ ᱠᱷᱚᱱ ᱫᱚ ᱚᱲᱟᱜ ᱥᱟᱲᱤᱢ ᱫᱚ ᱟᱞᱚᱯᱮ ᱵᱮᱱᱟᱣᱟ | ᱟᱨ ᱪᱟᱥ-ᱵᱟᱥ ᱞᱟᱜᱤᱛ ᱱᱟᱦᱮᱞ,ᱟᱬᱜᱚᱢ ᱟᱞᱚᱯᱮ ᱵᱮᱱᱟᱣ-ᱟ ᱟᱨ ᱟᱞᱚᱯᱮ ᱡᱚᱴᱮᱫᱟ ᱹᱹᱹᱹᱹᱹᱹᱱᱚᱣᱟ ᱫᱚ ᱠᱚᱲᱟ ᱦᱚᱯᱚᱱᱟᱜ ᱠᱟ.ᱢᱤ ᱠᱟᱱᱟ,ᱠᱚᱲᱟ ᱦᱚᱯᱚᱱ ᱜᱮ ᱠᱚ ᱠᱟ.ᱢᱤᱭᱟ | ᱱᱚᱣᱟ ᱠᱚ ᱜᱟᱯᱟᱞ ᱢᱟᱨᱟᱣ ᱠᱟᱛᱮᱜ ᱡᱟᱦᱮᱨ ᱮᱨᱟ ᱫᱚ ᱫᱟᱠᱟ ᱴᱩᱠᱩᱡ ᱫᱤᱯᱤᱞ ᱠᱮᱫᱟᱭ ᱟᱨ ᱢᱟᱨᱟᱝ ᱵᱩᱨᱩ ᱫᱚ ᱱᱟᱦᱮᱞ ᱟᱨ ᱟᱨᱟᱬ ᱜᱚᱜ ᱠᱟᱛᱮᱜ ᱚᱲᱟᱜ ᱛᱤᱠᱤᱱ ᱨᱩᱣᱟᱲ ᱦᱮᱡ ᱮᱱᱟ | ᱢᱮᱱ ᱟᱠᱚ ᱩᱱᱠᱷᱚᱱ ᱜᱮ ᱠᱩᱲᱤ ᱦᱚᱯᱚᱱ ᱫᱚ ᱱᱟᱦᱮᱞ ᱟᱨ ᱚᱲᱟᱜ ᱫᱚ ᱵᱟᱧ ᱠᱚ ᱵᱮᱱᱟᱣᱟ ᱟᱨ ᱵᱟᱝ ᱠᱚ ᱫᱮᱡᱚᱜ ᱟ ᱟᱨ ᱱᱟᱦᱮᱞ ᱦᱚᱸ ᱵᱟᱝ ᱠᱚ ᱡᱚᱴᱮᱫᱟ |
ᱡᱟᱦᱮᱨ ᱚᱲᱟᱜ ᱵᱮᱱᱟᱣ ᱨᱮᱱᱟᱜ ᱠᱟᱛᱷᱟ ᱫᱚ ᱱᱚᱝᱠᱟ ᱥᱮᱫᱟᱭ ᱨᱮ ᱟᱵᱚ ᱨᱮᱱ ᱵᱚᱝᱜᱟ ᱵᱳᱨᱳ ᱠᱚ ᱜᱟᱹᱞᱟᱝ ᱞᱮᱫᱟ !
No comments:
Post a Comment