ᱩᱭᱦᱟ.ᱨ ᱒᱒ᱰᱤᱥᱮᱢᱵᱚᱨ, ᱒᱐᱐᱓ !

ᱩᱭᱦᱟ.ᱨ ᱒᱒ᱰᱤᱥᱮᱢᱵᱚᱨ, ᱒᱐᱐᱓   ᱾

ᱤᱱᱟ. ᱦᱤᱞᱚᱜ ᱛᱟᱦᱮᱸ ᱠᱟᱱᱟ ᱒᱒.᱑᱒.᱒᱐᱐᱓ ᱾ ᱤᱧ ᱫᱚ ᱢᱚᱱᱛᱨᱤ (ᱢᱟ.ᱱᱤᱡ ᱫᱨᱚᱣᱯᱚᱫᱤ ᱢᱩᱨᱢᱩ) ᱩᱯᱤᱥ ᱨᱤᱧ ᱠᱟ.ᱢᱤ ᱠᱟᱱ ᱛᱟᱦᱮᱸᱫ ᱾ ᱳᱰᱤᱥᱟ ᱵᱤᱫᱷᱟᱱᱥᱚᱵᱷᱟ ᱚᱫᱷᱤᱵᱮᱥᱚᱱ ᱛᱚᱝᱜᱮ ᱟᱠᱟᱱ ᱛᱟᱦᱮᱸᱫ ᱾ ᱟ.ᱭᱩᱵᱽ ᱚᱠᱛᱚ ᱾ ᱢᱚᱱᱛᱨᱤ ᱩᱯᱤᱥ ᱨᱤᱱ ᱪᱟᱠᱨᱤᱭᱟ. ᱠᱚ ᱞᱟ.ᱜᱤᱫ ᱯᱚᱱᱤᱨ ᱯᱚᱠᱩᱰᱤ ᱡᱚᱲᱠᱷᱤᱭᱟ. ᱟ.ᱜᱩ ᱞᱟ.ᱜᱤᱫ ᱵᱤᱫᱷᱟᱱᱥᱚᱵᱷᱟ ᱵᱟ.ᱠᱷᱩᱞ ᱠᱷᱚᱱ ᱭᱩᱱᱤᱴ-᱔ ᱨᱮᱱᱟᱜ ᱮᱢ.ᱮᱞ.ᱮ ᱠᱳᱞᱚᱱᱤ ᱨᱮ ᱢᱮᱱᱟᱜ ᱡᱚᱲᱠᱷᱤᱭᱟ. ᱫᱚᱠᱟᱱ ᱟᱢᱵᱟᱥᱟᱰᱚᱨ ᱠᱟᱨ ᱜᱟ.ᱰᱤ ᱛᱤᱞᱤᱧ ᱥᱮᱱᱚᱜ ᱠᱟᱱᱟ ᱾ ᱰᱟᱭᱵᱟᱨ ᱵᱤᱡᱚᱭ ᱯᱚᱴᱱᱟᱭᱮᱠ ᱫᱚ ᱠᱚᱴᱚᱠ ᱨᱮᱰᱤᱭᱚ ᱥᱮᱱᱴᱟᱨ ᱨᱮᱱᱟᱜ 'ᱟᱧᱪᱚᱲᱤᱠᱚ ᱩᱰᱤᱭᱟ. ᱠᱷᱚᱵᱚᱨ' ᱮ ᱞᱟᱜᱟᱣ ᱟᱠᱟᱫ-ᱟ ᱾ ᱚᱠᱛᱚ ᱯᱟᱞᱮ 6.51 PM ᱜᱟᱱ ᱦᱩᱭ ᱠᱚᱜ-ᱟ ᱾ ᱢᱩᱬᱩᱛ ᱠᱷᱚᱵᱚᱨ ᱨᱮ ᱥᱟᱱᱛᱟᱲᱤ ᱵᱷᱟᱥᱟ ᱥᱚᱢᱵᱤᱫᱷᱟᱱ ᱨᱮ ᱥᱟᱢᱤᱞ ᱱᱟᱥᱮᱧ ᱟᱸᱡᱚᱢ ᱧᱚᱜ ᱜᱚᱫ ᱞᱮᱫ-ᱟ ᱾ ᱤᱱᱟ. ᱛᱟᱭᱚᱢ ᱞᱩᱛᱩᱨ ᱵᱤᱫ ᱠᱟᱛᱮ ᱵᱮᱥ ᱞᱮᱠᱟᱧ ᱟᱸᱡᱚᱢ ᱠᱮᱫ-ᱟ ᱾....... ᱥᱚᱢᱵᱤᱫᱷᱟᱱᱚᱨᱚ ᱚᱥᱴᱚᱢ ᱚᱱᱩᱪᱷᱮᱫᱽ ᱨᱮ ᱵᱚᱰᱚ, ᱥᱟᱱᱛᱟᱲᱤ, ᱢᱚᱭᱛᱷᱤᱞᱤ ᱮᱵᱚᱝ ᱰᱚᱜᱨᱤ ᱵᱷᱟᱥᱟ ᱠᱩ ᱥᱟᱢᱤᱞ ᱠᱚᱨᱟ ᱡᱟᱭᱪᱷᱤ ... ᱾ ᱟ.ᱰᱤ ᱨᱟ.ᱥᱠᱟᱧ ᱵᱩᱡᱷᱟ.ᱣ ᱠᱮᱫ-ᱟ ᱾

ᱡᱚᱲᱠᱷᱤᱭᱟ. ᱟ.ᱜᱩ ᱠᱟᱛᱮ ᱞᱚᱜᱚᱱ ᱵᱤᱫᱷᱟᱱᱥᱚᱵᱷᱟ ᱛᱮᱞᱤᱧ ᱨᱩᱣᱟ.ᱲ ᱦᱮᱡ ᱮᱱᱟ ᱾ ᱥᱚᱸᱜᱮ ᱥᱟᱛ ᱢᱚᱱᱛᱨᱤ ᱴᱷᱮᱱ ᱯᱷᱚᱱ ᱠᱟᱛᱮ ᱱᱚᱶᱟ ᱵᱮᱣᱨᱟᱧ ᱞᱟ.ᱭ ᱟᱫᱮᱭᱟ ᱾ ᱟᱡ ᱦᱚᱸ ᱴᱤ.ᱵᱷᱤ. ᱧᱮᱞ ᱠᱟᱛᱮᱭ ᱵᱟᱰᱟᱭ ᱟᱠᱟᱫ-ᱟ ᱢᱮᱱᱛᱮᱭ ᱞᱟ.ᱭ ᱠᱮᱫ-ᱟ ᱟᱨ ᱡᱚᱛᱚ ᱦᱚᱲ ᱟᱡᱟᱜ ᱵᱟᱥᱟ ᱛᱮᱭ ᱦᱚᱦᱚ ᱟᱫ ᱞᱮᱭᱟ ᱾

ᱢᱚᱱᱛᱨᱤ ᱭᱤᱡ ᱯᱤ.ᱮᱥ. ᱢᱟᱱ ᱵᱤᱡᱚᱭ ᱱᱟᱭᱮᱠ, ᱮ.ᱯᱤ.ᱮᱥ. ᱢᱟᱱ ᱵᱷᱟᱜᱤ ᱨᱚᱛᱷᱤ ᱵᱮᱦᱮᱨᱟ, ᱯᱤ.ᱮ. ᱢᱟᱱ ᱥᱚᱛᱤᱥ ᱥᱟᱢᱚᱞ ᱟᱨ ᱤᱧ ᱢᱚᱱᱛᱨᱤ ᱥᱟᱶ ᱞᱮ ᱜᱟᱞᱢᱟᱨᱟᱣ ᱜᱚᱴᱟ ᱠᱮᱫ-ᱟ ᱵᱟᱝ ᱢᱟ, ᱥᱟᱱᱛᱟᱲᱤ ᱯᱟ.ᱨᱥᱤ ᱥᱚᱢᱵᱤᱫᱷᱟᱱ ᱨᱮ ᱥᱮᱞᱮᱫ ᱨᱮᱱᱟᱜ ᱨᱟ.ᱥᱠᱟ. ᱵᱚᱱ ᱢᱟᱱᱟᱣᱜ-ᱟ ᱾ ᱚᱱᱟ ᱞᱟ.ᱜᱤᱫ ᱯᱤ.ᱮᱥ ᱡᱚᱛᱚ ᱟᱺᱜᱤᱵᱷᱟᱨ ᱮᱢ ᱦᱩᱭ ᱞᱮᱱᱟ ᱾
ᱚᱱᱟ ᱥᱟᱶᱛᱮ ᱟ.ᱫᱤᱢ ᱚᱣᱟᱨ ᱡᱟᱨᱯᱟ ᱨᱤᱱ ᱠᱟ.ᱢᱤᱭᱟ. ᱜᱚᱢᱠᱮ ᱠᱚᱦᱚᱸ ᱢᱚᱱᱛᱨᱤ ᱵᱟᱥᱟ ᱛᱮᱠᱚ ᱥᱮᱴᱮᱨ ᱞᱮᱱᱟ ᱾

ᱤᱱᱟᱝ ᱛᱮ ᱫᱤᱥᱚᱢ ᱡᱟᱠ ᱠᱷᱚᱱ ᱟᱭᱢᱟ ᱦᱚᱲ ᱴᱷᱮᱱ ᱠᱷᱚᱱ ᱜᱷᱟᱱᱮ ᱜᱷᱟᱱᱮ ᱯᱷᱚᱱ ᱦᱮᱡ ᱞᱮᱱᱟ ᱾
ᱤᱱ ᱡᱚᱠᱷᱚᱱ ᱢᱚᱵᱟᱭᱤᱞ ᱫᱚ ᱵᱟᱝ ᱛᱟᱦᱮᱸ ᱠᱟᱱᱟ ᱾ Land line ᱯᱷᱚᱱ ᱛᱮᱜᱮ ᱱᱚᱶᱟ ᱵᱮᱣᱨᱟ ᱫᱚ ᱞᱟ.ᱯᱟ.ᱭ ᱦᱩᱭ ᱞᱮᱱᱟ ᱾ ᱧᱤᱫᱟ. ᱑᱑ ᱴᱟᱬᱟᱝ ᱛᱟᱭᱚᱢ ᱩᱛᱟ.ᱨ ᱵᱟᱥᱟ ᱛᱤᱧ ᱨᱩᱣᱟ.ᱲ ᱞᱮᱱᱟ ᱾

ᱫᱚᱥᱟᱨ ᱦᱤᱞᱚᱜ (ᱢᱟ. 23.12.2003) ᱥᱮᱛᱟᱜ ᱨᱮ ᱥᱤᱨᱟ. ᱢᱚᱱᱛᱨᱤ ᱢᱟᱱ ᱱᱚᱵᱤᱱ ᱯᱚᱴᱱᱟᱭᱮᱠ ᱦᱚᱸ ᱱᱚᱵᱤᱱ ᱱᱤᱵᱟᱥᱨᱮ ᱟᱵᱚᱭᱤᱡ ᱢᱚᱱᱛᱨᱤ ᱢᱟ.ᱱᱤᱡ ᱢᱩᱨᱢᱩ ᱥᱟᱶ ᱥᱮᱱ ᱦᱩᱭ ᱞᱮᱱᱟ ᱟᱨ ᱵᱟᱦᱟ ᱛᱷᱩᱯᱱᱟᱜ ᱪᱟᱞ ᱠᱟᱛᱮ ᱥᱟᱨᱦᱟᱣ ᱦᱩᱭ ᱞᱮᱱᱟ ᱾ ᱵᱟ.ᱥᱤᱭᱟᱢ ᱠᱷᱚᱱ ᱟ.ᱫᱤᱵᱟ.ᱥᱤ ᱩᱫᱮᱞᱟ ᱯᱩᱲᱤᱭᱟ. ᱨᱮ ᱮᱱᱮᱡ ᱥᱮᱨᱮᱧ ᱥᱟᱯᱲᱟᱣ ᱞᱮᱱᱟ ᱾ ᱢᱟᱱ ᱥᱤ.ᱯᱤ. ᱢᱟ.ᱡᱷᱤ, ᱢᱟᱱ ᱥᱟ.ᱫᱷᱩ ᱪᱚᱨᱚᱬ ᱢᱟᱡᱷᱤ ᱫᱚ ᱛᱩᱢᱫᱟᱜ ᱠᱤᱱ ᱨᱩ ᱞᱮᱫ ᱵᱮᱲᱟ ᱨᱮ ᱢᱚᱱᱛᱨᱤ ᱦᱚᱸ ᱢᱟᱬᱟᱝ ᱨᱮ ᱥᱟᱵ ᱠᱟᱛᱮᱭ ᱮᱱᱮᱡ ᱞᱮᱫ-ᱟ ᱾ ᱟ.ᱰᱤ ᱢᱚᱸᱡᱽ ᱜᱮ ᱨᱟ.ᱥᱠᱟ. ᱟᱠᱷᱲᱟ ᱥᱟᱯᱲᱟᱣ ᱞᱮᱱᱟ ᱾ ᱟᱭᱢᱟ ᱦᱚᱲ ᱠᱚ ᱥᱮᱞᱮᱫ ᱞᱮᱱᱟ ᱾ ᱚᱱᱟ ᱮᱱᱮᱡ ᱪᱤᱛᱟ.ᱨ ᱜᱮ ᱒᱐᱐᱔ ᱨᱮᱱᱟᱜ calendarᱨᱮ ᱴᱷᱟᱶ ᱮ ᱧᱟᱢ ᱟᱠᱟᱫ-ᱟ ᱾
***************

ᱱᱚᱶᱟ ᱫᱚ ᱤᱧᱟᱜ experience ᱤᱧ ᱚᱞ ᱠᱮᱜ-ᱟ ᱾ ᱟᱯᱮᱭᱟᱜ ᱦᱚᱸ ᱞᱟ.ᱭ/ ᱚᱞ ᱛᱟᱵᱚᱱ ᱯᱮ ᱾

ᱡᱚᱦᱟᱨ ᱥᱟᱶ,

ᱢᱟᱸᱜᱟᱛ ᱢᱩᱨᱢᱩ,
ᱢᱟ.᱒᱑.᱑᱒.᱒᱐᱑᱘
(ᱟ.ᱭᱩᱵ), ᱵᱷᱩᱵᱚᱱᱮᱥᱚᱨ ᱠᱷᱚᱱ ᱵᱟ.ᱨᱯᱟᱫᱟ ᱵᱟᱥ ᱛᱮ ᱥᱮᱱᱚᱜ ᱚᱠᱛᱚ ᱾